ជិះម៉ូតូទាក់ដៃចង្កូតគ្នាដួល ចៃដន្យរថយន្តមកដល់កិនស្លាប់ម្នាក់ របួសម្នាក់
29-December-2015 | ដោយ មួយឡា
ភ្នំពេញ៖ បុរសម្នាក់បានស្លាប់ភ្លាមៗ និងម្នាក់ទៀតរងរបួសធ្ងន់នៅក្នុងឧប្បត្តិហេតុជិះម៉ូតូមិនប្រយ័ត្នទាក់ដៃចង្កូតគ្នាដួល ចៃដន្យមានរថយន្តបើកមកដល់ជាន់ហ្វ្រាំងមិនទាន់ ក៏កិនពីលើបណ្ដាលអោយស្លាប់ និងរបួសតែម្ដងទៅ។
ហេតុការណ៍ខាងលើនេះកើតឡើងកាលពីវេលាម៉ោង ៩ និង ៤៥នាទី យប់ថ្ងៃទី២៨ ខែធ្នូ ឆ្នាំ២០១៥ ស្ថិតតាមបណ្តោយផ្លូវព្រះនរោត្តម កែងផ្លូវ៣៧០ ក្នុងសង្កាត់បឹងកេងកងទី១ ខណ្ឌចំការមន រាជធានីភ្នំពេញ ។
តាមសាក្សីនៅកន្លែងកើតហេតុបានអោយដឹងថាជនរងគ្រោះទាំង២នាក់ទំនងជាអ្នកស្គាល់គ្នាបានជិះម៉ូតូបណ្ដើរគ្នាក្នុងល្បឿនលឿនគួរសម ចៃដន្យក៏ទាក់ដៃចង្កូតគ្នា បណ្ដាលអោយម៉ូតូពួកគេដួលនៅលើទ្រូងថ្នល់ហើយក៏មានរថយន្តមិនស្គាល់ម៉ាកមួយគ្រឿងបើកមកដល់ជាន់ហ្វ្រាំងមិនទាន់ក៏កិនជនរងគ្រោះម្នាក់ពីលើ ហើយបន្ថែមល្បឿនរត់គេចខ្លួនបាត់ទៅ។
ក្រោយកើតហេតុ សមត្ថកិច្ចបានចុះអន្តរាគមន៍ បញ្ជូនជនរងគ្រោះទៅកាន់មន្ទីរពេទ្យ ចំណែកសពជនរងគ្រោះម្នាក់ទៀត ចាំបងប្អូនមកយកទៅធ្វើបុណ្យតាមប្រពៃណី៕ ដោយ មែន កំសត់
ចំនួនអ្នកទស្សនា
- ថ្ងៃនេះ6701
- ម្សិលមិញ12561
- សប្តាហ៍នេះ34651
- ខែនេះ56531
- ឆ្នាំនេះ56531
- សរុប20498987